🎯 Vision & Mission
সোনোৱাল কছাৰী সাহিত্য সভা
উদ্দেশ্য (Vision)
সোনোৱাল কছাৰী জনগোষ্ঠীৰ ভাষা, সাহিত্য আৰু সংস্কৃতিৰ সৰ্বাঙ্গীণ বিকাশ সাধন কৰাই সোনোৱাল কছাৰী সাহিত্য সভাৰ মূল উদ্দেশ্য। এই উদ্দেশ্যে তলত দিয়া মতে কাৰ্য কৰিবলৈ সভা যত্নপৰ হ'ব:
- ইতিহাস অনুসন্ধান আৰু বুৰঞ্জী প্ৰণয়নৰ বাবে গৱেষণা কৰা।
- অধুনালুপ্ত ভাষাৰ সন্ধান, গৱেষণা আৰু সংৰক্ষণ।
- প্ৰাচীন সাহিত্য, লোকসংস্কৃতি সংগ্ৰহ, গৱেষণা আৰু প্ৰকাশ।
- সংগীত, চিত্ৰকলা, ভাস্কৰ্য, পুৰাতত্ত্ব আদি ক্ষেত্ৰৰ উন্নয়ন।
- লেখক-লেখিকাসকলক উৎসাহিত কৰা আৰু উৎকৃষ্ট গ্ৰন্থ প্ৰকাশ।
- বিশিষ্ট সাহিত্যক অন্যান্য ভাষালৈ অনুবাদ কৰা।
- সমাজলৈ অৱদান আগবঢ়োৱা ব্যক্তিসকলৰ জীৱনপঞ্জী প্ৰস্তুত কৰা।
- উৎকৃষ্ট গ্ৰন্থ আৰু লেখক-লেখিকাক বঁটা প্ৰদান কৰা।
- যুৱ লেখক-লেখিকাৰ মাজত সাহিত্য প্ৰতিযোগিতা আয়োজন কৰা।
- সভাৰ মুখপত্ৰ আৰু অন্যান্য প্ৰকাশনা প্ৰকাশ কৰা।
- গৱেষণা বিভাগ স্থাপন কৰা।
- সাহিত্য-সংস্কৃতি বিনিময় আঁচনি কাৰ্যকৰী কৰা।
- অসমৰ বিভিন্ন সাহিত্য সভাৰ সৈতে সু-সম্পৰ্ক বজাই ৰখা।
- অসমৰ শান্তি, সম্প্ৰীতি আৰু সাংবিধানিক মূল্যবোধ ৰক্ষা কৰা।
- ভাষা, সাহিত্য আৰু সংস্কৃতিৰ প্ৰতি অনুৰাগ বৃদ্ধি কৰা।
কাৰ্যক্ষেত্ৰ (Mission)
সোনোৱাল কছাৰী সাহিত্য সভাৰ কাৰ্যক্ষেত্ৰ প্ৰধানকৈ অসম। অৰুণাচল প্ৰদেশত বসবাস কৰা সোনোৱাল কছাৰীসকলকো সভাৰ অন্তৰ্ভুক্ত কৰা হ'ব। প্ৰয়োজন অনুসৰি ভাৰতৰ অন্যান্য ৰাজ্য বা বিদেশতো শাখা গঠন কৰিব পাৰিব।
- সোনোৱাল কছাৰী সংস্কৃতি, ঐতিহ্য আৰু অসমৰ জাতীয় অস্তিত্ব সংৰক্ষণ।
- ভাষা, সাহিত্য আৰু সংস্কৃতিৰ উন্নয়নমূলক কাৰ্যসূচী ৰূপায়ণ।
- অসম আৰু ভাৰতৰ বিভিন্ন প্ৰান্তত সাংস্কৃতিক সম্প্ৰীতি স্থাপন।
- সভা সম্পূৰ্ণৰূপে দলগত ৰাজনীতিৰ উৰ্ধত থাকিব।
- সাম্প্ৰদায়িক সম্প্ৰীতি, সাহিত্যচৰ্চা আৰু সামাজিক ঐক্য সুদৃঢ় কৰা।
- সভাৰ সকলো পদাধিকাৰীয়ে সাহিত্যিক মূল্যবোধ অনুসৰণ কৰিব।